اسلام آباد (تزئین اختر)کراچی ائرپورٹ پر غیر قانونی بیرون ملک جانے کی کوشش ناکام – انسانی سمگلنگ میں ملوث نیٹ ورک بےنقاب۔ یہ گینگ شیخوپورہ سے سرگرم ہے لیکن ایف آئی اے کا خیال ہے کہ اس کا اسلام آباد میں بھی نیٹ ورک ہے۔ ایف آئی اے امیگریشن نے بیرون ملک جانے کی کوشش ناکام بناتے ہوئے مسافر کو آف لوڈ کر دیا۔ ملزم صدام حسین وزٹ ویزے پر مراکش جا رہا تھا۔
دوران امیگریشن، مشکوک معلومات پر مسافر کو مزید تفتیش کے لیے جنرل چیکنگ افسران کے حوالے کیا گیا۔
دوران تفتیش ملزم صدام حسین نے انکشاف کیا کہ مراکش جانے کا مقصد اسپین اور اٹلی کی جانب غیر قانونی بارڈر پار کرنا تھا۔
مسافر نے مزید انکشاف کیا کہ اس نے مراکش کا ویزہ شیخوپورہ کے رہائشی نوید نامی ایجنٹ کے ذریعے 8 لاکھ روپے نقد ادا کر کے حاصل کیا۔
ملزم واٹس ایپ کے ذریعے جبار اور قاری امجد نامی انسانی سمگلرز سے بھی رابطے میں تھا
انسانی سمگلر قاری امجد یورپ میں غیر قانونی ڈنکی اور سمندر کے راستے لوگوں کو بھیجنے میں ملوث ہے۔
ملزم نے مزید انکشاف کیا کہ انسانی سمگلر قاری امجد کا تعلق شیخوپورہ سے ہے اور بیرون ملک مقیم ہے۔
قاری امجد نے متعدد لوگوں کو غیر قانونی یورپ بھجوانے کے نام پر لاکھوں روپے بٹورے ہیں
گرفتار ملزم صدام حسین نے بھی قاری امجد کو 2000 یورو ادا کیے تھے اور اسپین/اٹلی پہنچنے کے بعد مزید 13,000 یورو ادا کرنے کا معاہدہ کیا تھا۔
ملزم کو تمام ثبوتوں کے ساتھ اینٹی ہیومن ٹریفکنگ سرکل کراچی کے حوالے کر دیا گیا ایف آئی اے امیگریشن حکام نے اس کامیاب کارروائی کے ذریعے غیر قانونی انسانی اسمگلنگ کے نیٹ ورک کا پردہ فاش کر دیا ہے۔
ملزم کی نشاندہی پر مزید گرفتاریاں عمل میں لائی جائیں گی۔
ایف آئی اے امیگریشن کی کراچی ائرپورٹ پر کاروائی
