ڈائریکٹر جنرل ادارہ ٴفروغِ قومی زبان، اسلام آباد پروفیسر ڈاکٹر محمد سلیم مظہر کی وزیرِ مملکت جناب حذیفہ رحمان صاحب سے ملاقات

اسلام آباد، 16 اپریل 2025ء ۔۔۔۔۔ ادارہ ٴفروغِ قومی زبان ،کے ڈائریکٹر جنرل پروفیسر ڈاکٹر محمد سلیم مظہر نے وزارتِ قومی ورثہ و ثقافت کے وزیرِ مملکت،  حذیفہ رحمان  کو اُن کے بطور وزیر مملکت، وزارتِ قومی ورثہ و ثقافت منصب سنبھالنے پر اُن کے دفتر میں مبارک باد کہی اور پھول پیش کئے۔

ملاقات کے دوران میں وزارتِ قومی ورثہ و ثقافت کے تحت ادارہٴفروغِ قومی زبان کے جاری منصوبوں اور قومی زبان کے فروغ کے حوالے سے مختلف پہلوؤں پر تبادلہ خیال کیا گیا۔ پروفیسر ڈاکٹر محمد سلیم مظہر نے ادارے کی کارکردگی، مقاصد اور آئندہ کی حکمتِ عملی پر وزیرِ مملکت کو آگاہ کیا۔

وزیرِ مملکت  حذیفہ رحمان  نے ادارے کی علمی، ادبی، تحقیقی اور ثقافتی سرگرمیوں کو سراہتے ہوئے کہا کہ قومی زبان کی ترویج، ترقی اور قومی تشخص کے استحکام میں اہم کردار ادا کرتی ہے۔ اُنھوں نے اس سلسلے میں ہر ممکن تعاون کی یقین دہانی کراتے ہوئے کہا کہ قومی زبان اور ثقافت کے فروغ کے لئے بھرپور کوششیں کی جائیں۔

اس سلسلے میں خاص طور پر نوجوانوں کی شمولیت یقینی بنایا جائے۔ پروفیسر ڈاکٹر محمد سلیم مظہر نے  خذیفہ رحمان کا ادارہ فروغِ قومی زبان کی سرگرمیوں میں بھرپور سرپرستی پر شکریہ ادا کیا۔