سینیٹ، قومی اور صوبائی اسمبلیوں کے اراکین نے اثاثوں کے گوشوارے جمع نہیں کرائے

اسلام آباد : 01 جنوری 2025- الیکشن کمیشن آف پاکستان نے اعلان کیا ہے کہ ممبران پارلیمنٹ اور صوبائی اسمبلیوں کو ہر سال 31 دسمبر تک اپنے اثاثوں اور واجبات کی تفصیلات جمع کرانے کی ضرورت ہوتی ہے، جس میں ان کی شریک حیات اور زیر کفالت بچوں کے اثاثوں اور واجبات کی معلومات بھی شامل ہوتی ہیں۔ یہ عمل الیکشن ایکٹ 2017 کی دفعہ 137 کے تحت لازمی ہے اور فارم بی میں یہ معلومات فراہم کرنی ہوتی ہیں۔

تفصیلات کے مطابق، پنجاب، سندھ، خیبرپختونخوا اور بلوچستان کے سینیٹ، قومی اسمبلی اور صوبائی اسمبلیوں کے اراکین نے ابھی تک اس قانونی تقاضے کی تکمیل نہیں کی۔ اس حوالے سے الیکشن کمیشن نے ایک پریس ریلیز جاری کی ہے، جس میں ممبران کو متنبہ کیا گیا ہے کہ وہ اپنے اثاثوں کے گوشوارے 15 جنوری 2025 تک دفتری اوقات کے دوران جمع کرائیں۔

اس میں ناکامی کی صورت میں ممبران کی رکنیت معطل کر دی جائے گی، جیسا کہ الیکشن ایکٹ 2017 کے سیکشن 137(3) میں واضح کیا گیا ہے۔مذکورہ گوشوارے فارم ECP کی ویب سائٹ www.ecp.gov.pk سے ڈاو¿ن لوڈ کیے جا سکتے ہیں